أصعب إحساس تجاهل المشاعر لمن نحب

أصعب إحساس بالدنيا لما تكون تحب إنسان ومهتم بيه جدا ودايما مشغول بيه وبتدور عليه بكل مكان ولو ليه حساب بأي مكان تدخل الحساب دة وتفضل فيه وتشوف مين شارك ومين أتكلم وتشوف رد الإنسان دة ازاي عليه ياتري بحب بصداقه عادية بأخوة بمجاملة أصعب شيء إنك تسأل الإنسان دة مين دي وليه تقول وليه تتفاعل وليه بتشارك

أصعب إحساس تجاهل المشاعر لمن نحب

أصعب شيء ملكش دعوة

ان الإنسان دة يقلك ملكش دعوة دة شيء ما يخصك ازاي ما يخصني إذا كنت انت كلك تخصني إذي ما يخصني مدام الانسان دة يهمني فوق اي تخيل ليه بنفرق في مشاعر اللي بنحبة ونخليه يقسم مشاعرة علينا زي ماحنا عاوزين للاسف دي مشكله بتخرب كثير جدا من العلاقات وتخرب كثير جدا من المشاعر للاسف

الحب أصبح بوست ومشاركة

الحب اصبح تعليق وبوست ومشاركه بتخلينا نغير من أقل شيء وتخلينا نخسر كتير مع الانسان اللي بنحبة لما هو بيتصرفه وكلمه ملكش دعوة دي ميعرفش انه بيخسرنا وبيخسر مشاعرنا بالتدريج الناس اللي بتقول نحكم العقل في الغيره العقل عمرة ماكان ليه دعوة بالغيرة القلب هو سيد القرار بالغيرة الغيرة تكون نابعه من قلب عاشق متيم بعشق الانسان اللي يحبة الانسان دة بالنسبه ليه ملكية خاصه مفيش حد ليه حق فيه ابدا عقل ايه اللي يتحكم في الغيرة

العقل والتحكم بالغيره

لو الانسان سلم كل الامور للعقل هتختفي المشاعر وهيختفي الإحساس وهيفضل بس التفكير هنعمل كذا وهنرتب كذا المشكلة الاكبر ان فيه ناس تظن العقل لازم مع تقدم السن هنا لازم يكون لينا وقفه معاهم لسبب بسيط

رقي التفكير في السن المتقدم

العقل بيكون أرقي في الفكر صحيح مع تقدم السن والقراءة والتعامل مع ثقافات مختلفه لكن مش العقل الي بيكون مسؤل عن مستوي الغيره امته نستخدم العقل لما يكون القلب عجز عن وقف الغيرة الجنونية عند فئه معينة في الحب في الوقت دة نبدا ندخل العقل علشان يعمل استوب ويحاول يهدي من جنون الغيرة

تدخل العقل احيانا لايفيد

في ناس بتنفع معاهم تدخل العقل وناس لاء الاختلاف في الناس دي مش مقياس الحب عندهم ابدا بموافقه العقل او رفضة بس مشكلتهم انهم بيتم حصر لمشاعرهم داخل نطاق فكرهم وهو دة اللي بيأثر علي العلاقه بين الطرفين للأسف كتير مننا بيخسر الطرف الثاني لعدم الاهتمام ولعدم الشعور بالغيره ولعدم الوصول لحد الحب الجنوني

خسارة طرف من الأطراف

دة بيكون اما ناتج عن خوف طرف من الاطراف او بيكون عن جهل طرف من الاطراف بالطرف التاني او بيكون عن عدم قدرة التعبير بالمشاعر للطرف التاني ودي بتكون اصعب تحمله لسبب يتجاهلة الكثير وهي ان الطرف المحروم من ادق التعبير من الي يحبة بنفس الوقت الطرف دة بيقدم للجميع كلمات ومشاعر وتفاعل راقي وجميل ومليء بالاحساس في نفس الوقت اللي بيكون المحتاج لكل دة هو الطرف اللي بيحبة فعلا بجنون

البخل في المشاعر

الطرف اللي بيكون كريم مع الجميع في ارقي التعبير عن كل كلمة بيكون بخيل مع الطرف المهمل اللي مفروض يكون معاه في ادق المشاعر وادق التعبير عن الاهتمام بيه الحبيب يا سادة لازم يكون اول اهتمام ليك لان لو اهتميت بيه فعلا هتتغير حياتك كلها للأفضل لان بالوقت دة هيكون عندة ثقه انه فعلا مالي عليك حياتك وانا رقم 1 بكل شيء عندك مش مجرد كلام او انه داخل قائمة الاهتمامة عندك وقتها هيكون حبه ليك دافع لتحقيق نجاح كبير في حياتك مش عامل مؤثر ومحزن لكسر قلب كان بيتمني ليك كل يوم الحب والسعادة وراحة البال

إظهار الإهتمام

إن أظهرنا الإهتمام بمن نحب لدرجة أنه يشعر فعلا أنه رقم 1 عندك حتي وان كان ليس كذلك مجرد ان تعطية الإحساس ان اولا لديك سيقدم لك كل ما لدية من حب ووقت ومشاعر دون توقف لثقته أنه لديك اول اهتماماتك وليسن من ضمن قائمه يأخذ بها رقما لديك ..